ˈWƆN ˗GƆ 3
Dhɛɛˈˈ ˗nu ˈkpɔ ˗sü
Matiö 16:13-16
ˈPË ˈÜ DHO ˗A KË: Dhɛɛˈˈ ˗së ˗nu ˈö ˈwo dho ˈˈtʋ ˗to ü ˗bha ˗sü ˗dhɔ ˗da mɛn ˗nu ˈgü, ˈö ˈwo dho ü ˗takun dhiaŋ ˈü ˗dho ˗a zë ˗a ˈgü ˈˈpʋ ˗sü waa˗ ˈwɔn gaga ˗nu ˗yö zaŋta ˗sü ˗bha, ˗bhö ˗an ˈkpɔ.
Ü ˗DHO ˗A KË ˗KƆ ˗KË ꞊DHƐ?:
-
˗Bhö ˈˈtʋ ˗to ü ˗bha ˗sü ˗dhɔ ˗da mɛn ˗nu ˈgü. Dhɛɛˈˈ ˗nu ˈwo dho mɛn ˗nu ˗takun kö ˗wo wo ˗zota, kö ˗wo wo ˈˈtʋ ˈto ˈwɔn ˈü˗ blɛɛˈˈ ˗ni ˈgü ˗a ˗bha, ˗bhö ˗an ˈkpɔ.
-
ˈWɔn ˈü˗ blɛɛˈˈ ˗ni ˈgü, ˗bhö ˗a ˈgü ˈˈpʋ. ˈWɔn ˈü˗ blɛɛˈˈ ˗ni ˈgü, ˈü˗ ˈˈpiʋ̈ kö ˗yö ˈˈtʋtomɛn ˗nu ˗zokun, ˗bhö dhɛɛˈˈ ˗nu ˈwo ˗dho ˗an ˗takun kö ˗wa ˈgüman ˗së ˈka, ˗an ˈkpɔ.
-
˗Bhö ˗a ˈwɔn gaga ˗nu yö zaŋta. ꞊Ya kë ꞊dhɛ ˈü˗ ˈˈpiʋ̈ ˈü ˈwɔn ꞊bhlëësü ˈbha blɛɛˈˈ, ˗bhö dhɛɛˈˈ ˗nu ˈö ˗an ˗yɔ ꞊slɔɔ ˗sü ˗dhɔ dho ˈˈtʋtomɛn ˗nu kë ˗an ˈkpɔ. ꞊Ya kë ꞊dhɛ ˈbha ü bo ˈwɔn ga ˈbha blɛɛˈˈ ˗sü ˈka, ɛɛnˈˈ ˈbha ˗wo ü ˗bha dhiaŋ ˈˈdhiʋ̈todhɛ ˈgü, ˗bhö ˗zo ˗bo ˗a ˈka dhɛɛˈˈ ˗nu ˈkpɔ.