DONGO 3
Bolane̱ la myuedi
Mateo 16:13-16
O PATAPE̱M: Baise̱ myuedi na ye̱ne̱ o tute̱le̱ moto o benga lambe̱ye̱ wa toi, o bola ná basengedi bo̱ngo̱ ba dube̱ na o busise̱ mato̱ti ma mweńa.
NE̱NI BOLA NIKA:
-
Tute̱le̱ musengedi o benga lambe̱ye̱ wa toi. Baise̱ myuedi mi mabamse̱ jalabe̱ o milema ma basengedi bo̱ngo̱ to̱ bola babo̱ ńo̱ngi o wasa bia jalabe̱.
-
Bola ná basengedi bo̱ngo̱ ba dube̱. Baise̱ myuedi mō̱ ombusa mine̱ mena mi mongwane̱ basengedi bo̱ngo̱ o bupe̱ jo̱nge̱le̱ weno̱ teleye̱ ná beteledi bo̱ngo̱ be bame.
-
Busise̱ mato̱ti ma mweńa. Baise̱ myuedi mi mabole̱ ńo̱ng’a bia o jinge̱le̱ mom ma jo̱nge̱le̱. Bolane̱ myuedi ma ndimbisedi ke̱ o bo̱le̱ teleye̱ to̱ti la mweńa, to̱ o sukan a ekwal’ango̱.
