KALANSEN 3
Baara kɛcogo ni ɲiningaliw ye
Matiyo 16:13-16
MIIRIYA JƆNJƆN: Ɲiningaliw kɛ nɛmɛnɛmɛ walisa ka baro diya don i lamɛnbagaw la, ka hakilijagabɔ kɛ n’u ye ani ka miiriya jɔnjɔnw bɔ kɛnɛ kan.
A KƐ COGO:
-
Baro diya don i lamɛnbaga la ani i jija a k’a mako don baro kuru bɛɛ la: Ɲiningali dɔw kɛ walisa k’i lamɛnbaga lasun a ka miiri wala a k’a ɲini k’o jaabiliw sɔrɔ.
-
Hakilijagabɔ kɛ: Ɲiningali dɔw kɛ ka tugu tugu ɲɔgɔn kɔ minw bena i lamɛnbaga dɛmɛ a k’a ye ko i ka ɲɛfɔli tilennin lo. O la, a tɛna gwɛlɛya a ma k’a faamu jaabili ɲuman ye min ye.
-
Miiriya jɔnjɔnw bɔ kɛnɛ kan: N’i b’a fɛ ka miiriya jɔnjɔn dɔ daminɛ, ɲiningali dɔ kɛ min ben’a to i lamɛnbaga b’a ɲini k’o jaabili sɔrɔ. Baro kɛnin kɔ miiriya jɔnjɔn dɔ kan, wala kalan kuncɛtɔ, ɲiningali dɔw kɛ walisa ka segikanni kɛ.
