ADZESUA 3
Nsɛmbisa A Wɔdze Dzi Dwuma
Matthew 16:13-16
DZA ƆSƐ DƐ EYƐ: Fa nsɛmbisa a ɔnnhaw w’etsiefo no dzi dwuma fa yɛ dza odzidzi do yi: Fa kenyan w’etsiefo no ma wɔnkɔ do mfa enyigye ntsie asɛm no, fa dzi dwuma aber a enye hɔn rususu nsɛm ho, na fa si nsɛntsitsir do dua.
MBRƐ IBESI AYƐ NO:
-
Kɔ do kenyan hɔn enyigye wɔ asɛm no ho. Bisa nsɛm bi a ɔbɛma w’etsiefo no adwen dza erekã no ho na woeyi ano wɔ hɔn tsir mu anaa ɔbɛma hɔn ho aper hɔn dɛ wobohu mbuae no.
-
Enye hɔn nsusu nsɛm ho. Sɛ enye w’etsiefo no rususu asɛm bi ho a, fa nsɛmbisa ahorow dzi dwuma fa boa w’etsiefo no ma wondzi nkyerɛkyerɛmu no ekyir kɛpem dɛ wɔbɛtse asɛm no ase.
-
Si nsɛntsitsir no do dua. Sɛ erebɛda asɛntsitsir bi edzi a, dzi kan bisa asɛm bi fa kenyan w’etsiefo no hɔn adwen. Sɛ ekyerɛkyerɛ asɛntsitsir bi mu wie anaa edze w’asɛm no reba ewiei a, fa nsɛmbisa a wɔdze yɛ ntsimu dzi dwuma.
