Leksión 3
Eipuru porã umi porandu
Mateo 16:13-16
MBAʼÉPA HEʼISE: Eipuru porã vaʼerã umi porandu ikatu hag̃uáicha umi hénte nerendu, avei remopensa hag̃ua chupekuéra, ha hesakã porã hag̃ua umi mbaʼe remboʼeséva.
MBAʼÉICHAPA IKATU REJAPO
-
Nerenduse hag̃ua umi hénte. Ejapo vaʼerã umi porandu oipytyvõtava umi nerendúvape oikuaaseve hag̃ua.
-
Eipytyvõ umi nerendúvape opensa hag̃ua pe erévare. Ejapo aja nde párte reipuru vaʼerã umi porandu umi nerendúva ontende porã hag̃ua la remboʼeséva.
-
Emyesakã porã umi mbaʼe remboʼeséva. Remyesakã mboyve peteĩ mbaʼe iñimportánteva, ejapo vaʼerã peteĩ porandu ombokuriósotava umi nerendúvape. Retermina hag̃ua nde párte, eipuru umi porandu errepasa hag̃ua umi mbaʼe iñimportantevéva remboʼeséva.
