EPU 3
Pura omapuriro
Mateus 16:13-16
OUSUPI: Pura omapuriro nongengezero okuvatera ovapuratene okuyandja ombango, okukuvatera okuserekarera nawa kuna wo, nokuṋunisa omapu omananḓengu.
OMUANO WOKUTJITA NAO:
-
Nana ombango yovapuratene. Pura omapuriro ngu maye vatere ovapuratene voye okuripurira kepu ndi mo hungirire ko, poo ngu maye tjiti kutja ve vange okutjiwa omaziriro.
-
Hungirira kepu. Vatera ovapuratene voye okukongorera nawa ehungi mokuvepura omapuriro ngu maye ve vatere okuzuva nawa epu.
-
Ṋunisa omapu omananḓengu. Ṋunisa epu enanḓengu mokupura epuriro ndi mari nana ombango yomupuratene. Ungurisa omapuriro wokurizemburukisa tji wa zu nokuhungirira kepu enanḓengu poo komaandero wehungi roye.