Kwatekesa o jingivwidi kukala ni hanji ya kwijiya dingi tundé ku dimatekenu katé ku disukilu. Wa tokala kubhanga ibhwidisu i bhangesa o jingivwidi kuxinganeka, ni kutambwijila ku mixima wâ.

Xinganeka ni jingivwidi mu maka u wa solo. Kwatekesa o jingivwidi kukayela o jipondo ni wendelu wa diskulusu, mu kubhanga ibhwidisu ya a kwatekesa kubhixila mu kixinganeku kya tokala.

Bhitulula o jipondo ja beta kota. Phala kulondekesa o disá dya katunda, bhanga kibhwidisu ki bhangesa o jingivwidi kumesena kwijiya dingi. Kyoso ki u zubha kutumbula pondo ya beta kota, mba ku disukilu dya diskulusu, wa tokala kubhanga wé ibhwidisu ya kubhitulula.