DIILONGWEESH 3
Kumb kwa majooj
Matewus 16:13-16
CYA KUMANYIK: Umb majooj ni bukalang bwa kukok meej ma baat bwa batungunuk ni kukukun mat, bwa kwiibalangish meej ni bwa kwiibaleej myand yitam.
CYA KULONG:
-
Kok meej ma baat ni iimalam. Umb majooj mady mwa kusak bakukuukun mat bwa kulangobw meej habitaatal dyaalabul eecy bwa kukaam dyaalabul.
-
Eleshesh baat meej ha ciin bwaal ciibuh. Ambulwiish bakukuukun mat bwa kulond mudy ciin bwaal ha kwiibumbok majooj makwaabw bwa kukwaatobw mu mushind mulengel biwudy muleeb.
-
Iimanyin ha myand yitam. Kuuhal kwiibuh kutwaal lungeny lutam ludy mu ciin bwaal ciibuh, umb diijooj didy mwa kukok meej ma bakukuukun mat. Awumaaman kuleej lungeny lutam ludy mu ciin bwaal ciibuh eecy awumaaman kulong ciin bwaal ciibuh, Umb majooj ma kwambulul bwa kuvulwiij baat myand yitam yiwudy muleeb eecy bwa kuman mwiisamb iibuh.
