LUFUNJISHO 3
Kwipuzha Mepuzho Awama
Mateo 16:13-16
BYO MWAFWAINWA KUBA: Ipuzhainga mepuzho akonsha kuzakula bantu muchima, kwibalengela kulanguluka pa byo mubena kwambapo ne kukosesha bishinka bikatampe.
BYA KUBA:
-
Zakulai michima ya bantu. Ipuzhainga mepuzho akonsha kulengela bantu kulangulukapo ne kukeba kuyukilapo bintu bikwabo.
-
Kwashai bantu kulanguluka pa byo mubena kwamba. Ipuzhainga mepuzho akonsha kulengela bantu kulanguluka pa byo mubena kwambapo ne kutaana mikumbu abo bene.
-
Koseshai bishinka bikatampe. Saka mukyangye kwamba kishinka kikatampe, ipuzhai bwipuzho busakulengela bantu kutako muchima ku byo musakwamba. Ingijishai mepuzho a kupitulukamo inge mwapwisha kwamba pa kishinka kikatampe nangwa pa kupwisha kwamba jashi.