တၢ်မၤလိ ၃
သူတၢ်သံကွၢ်တဖၣ်တက့ၢ်
မးသဲ ၁၆:၁၃-၁၆
ဘၣ်မၤဒ်လဲၣ်– သံကွၢ်တၢ်သံကွၢ်ဒ်သိးကထိၣ်ဟူးထိၣ်ဂဲၤထီၣ် ဒီးကထုးန့ၢ်နပှၤဒိကနၣ်တၢ်ဖိတဖၣ်အသးန့ၣ်တက့ၢ်. သူတၢ်သံကွၢ်ဒ်သိး အဝဲသ့ၣ် ကသ့ၣ်ညါထီၣ်ဝဲ တၢ်စံးဆၢ ဒီးသူတၢ်သံကွၢ် ဒ်သိးအဝဲကသ့ၣ်ညါထီၣ်ဝဲ တၢ်ဂ့ၢ်လၢအရ့ဒိၣ်တဖၣ်တက့ၢ်.
မၤဒ်အံၤတက့ၢ်–
-
သူတၢ်သံကွၢ် ဒ်သိးကထိၣ်ဟူးထိၣ်ဂဲၤထီၣ် ဒီးကထုးန့ၢ်ပှၤသးတက့ၢ်. သံကွၢ်တၢ်သံကွၢ် ဒ်သိးနပှၤဒိကနၣ်တၢ်ဖိ ကဆိကမိၣ်ထံတၢ်ဒီး ကအဲၣ်ဒိးသ့ၣ်ညါအါထီၣ်တၢ်ဂ့ၢ်န့ၣ်တက့ၢ်.
-
သူတၢ်သံကွၢ်ဒ်သိး အဝဲသ့ၣ် ကသ့ၣ်ညါထီၣ်ဝဲ တၢ်စံးဆၢတက့ၢ်. ဒ်သိးနပှၤဒိကနၣ်တၢ်ဖိ ကသ့ၣ်ညါထီၣ်ဝဲ တၢ်စံးဆၢအဂီၢ် သူတၢ်သံကွၢ် တဖျၢၣ်ဝံၤတဖျၢၣ်တက့ၢ်.
-
သံကွၢ်တၢ်သံကွၢ်လၢ အပာ်ဖျါထီၣ် တၢ်ဂ့ၢ်လၢအရ့ဒိၣ်. သံကွၢ်တၢ်သံကွၢ် ဒ်သိးတၢ်ဂ့ၢ်မိၢ်ပှၢ်ကဟဲဖျါထီၣ်တက့ၢ်. နတဲသကိးတၢ်ဂ့ၢ်လၢအရ့ဒိၣ်မ့ၢ်ဝံၤန့ၣ် က့ၤသံကွၢ်ကဒါက့ၤ တၢ်သံကွၢ် ဒ်သိးအဝဲသ့ၣ် ကနၢ်ပၢၢ်ဝဲတၢ်ဂ့ၢ်လီၤတံၢ်လီၤဆဲးအဂီၢ် မ့တမ့ၢ် ဖဲနကတိၤကျၢၢ်တံၢ်တၢ်အခါ က့ၤသံကွၢ်ကဒါက့ၤ တၢ်သံကွၢ်တဖၣ်တက့ၢ်.
