DILONGI 3
Sadila biuvu
Matayo 16:13-16
NA NKUFI: Yuvusa biuvu na mayele samu na kupesa bantu nsatu ya kuwa nge mpe kulanda nge tii na nsuka, samu na kutinda bantu yina kena kuwa nge bakanisa mpe samu na kudiata makanisi ya mfunu.
MUTINDU YA KUSALA YAU:
-
Pesa bantu nsatu ya kuwa nge mpe kulanda nge tii na nsuka. Yuvusa biuvu yina ketinda bantu kena kuwa nge bakanisa na zulu ya diambu yina nge kena kutubila mpe yapesa bau nsatu ya kusosa kuzaba mvutu.
-
Sadisa bantu kena kuwa nge batula makanisi na diambu yina nge kena kutubila. Sadila biuvu yina ketinda bantu yina kena kuwa nge babakusa mutindu makanisi melandana mpe malembemalembe bandima makanisi yina nge kena kutubila.
-
Bimisa makanisi ya mfunu. Yuvusa kiuvu mosi yina kelamusa makanisi ya bantu ntangu nge zola tubila dikanisi mosi ya mfunu. Sadila biuvu ya mvutukulu na manima ya kutubila dikanisi mosi ya mfunu to ntangu nge kena kusukisa disolo na nge.
