LONGI DIA 3
Sadila e Yuvu
Matai 16:13-16
MUNA LUKUFI: Sadilanga e yuvu kuna ndekwa mu sadisa nkangu mu sia e sungididi, mu yindula yo songa e mambu mamfunu.
UNA OLENDA WO VANGILA:
-
Sadisa nkangu mu sia sungididi. Sadila e yuvu ifila o wantu mu vana e mvutu yau kibeni yovo mu kala ye tima dia vava zaya e mvutu.
-
Fila nkangu mu yindula. Sadisa awana bekuwanga mu vava zaya e nsas’a diambu muna yuvulanga e yuvu ikubafila mu yindula yo zaya dina bafwete vanga.
-
Songa mambu mamfunu. Yuvula kiuvu vitila wayika diambu diasina. Sadilanga e yuvu ya lufimpu avo omanisi vovela diambu diamfunu yovo kuna mfoko a longi diaku.