Amulengeshe bantu kuba alusuno lwakukutika. Amwiipushe miipusho yeenga yalengesha ayi abo mbomutobandikaabo bayeeyewo pamakani ngomutobandika na kubapa kwaamba ayi basunishishe kushiba cikumbulo.

Amwiipushe miipusho kweelana amakani ngomutobandikaawo. Amwiipushe miipusho yeenga yapa batookutika kunyumfwisha kabotu kabotu makani ngomutobandikawo akubacafwa kushiba citeente cinene.

Amuyuminishe shiteente shinene. Ndyemutotalika kwaamba paciteente cinene, amwiipushe mwiipusho weenga wabapa kusuna kukutika. Pesule lyakubandika citeente cinene na ndyemutooya cimanisha likani, amwiipushe miipusho yakwiindulukaamo.