TUTO 3
Kuitusisa Lipuzo
Mateu 16:13-16
LITABA KA BUKUSWANI: Mubuze lipuzo ka maseme kuli bateelezi bazwelepili kuteeleza kwa litaba zemubulela, kuli mubatuse kunahanisisa, ni kuli mukoñomeke lisupo zetuna.
MWAKUEZEZA CWALO:
-
Mutuse bateelezi kuzwelapili kuteeleza kwa litaba zemubulela. Mubuze lipuzo zekatahisa kuli bateelezi baikalabe kamba kuli babate kuziba litaba zeñata.
-
Mubatuse kunahanisisa taba yeambolwa. Mutuse bateelezi ka kubabuza lipuzo lisikai zeka batusa kuutwisisa hande taba yemuambola.
-
Mukoñomeke lisupo zetuna. Mubuze puzo yekatahisa kuli bateelezi batabele sisupo sesituna semubata kukoñomeka. Muitusise lipuzo za lundululo hamufeza kunyakisisa sisupo sesituna kamba hamufeza ngambolo yamina.
