Xikonchiua maj kisentoka kinyolnotsa tamachtilis. Xikonchiua netajtanilmej tein tapaleuis maj kinekikan kimatiskej okachi uan tein kichiuas maj tanemilikan itech se tanankilil.

Xiontetaneltokti. Ika seki netajtanilmej tein tikonchiujtiyas, xikonpaleui akin mitsonkakij maj kiajsikamatikan ke taixejekol tein tiontamachtia.

Xikonnexti tanemililmej tein tayekantokej. Achto ke tikonijtos se tanemilil tein motelneki, xikonchiua se netajtanil tein tapaleuis maj kinekikan kimatiskej okachi. Xikonchiua netajtanilmej tein tapaleuis maj moelnamiki tanemililmej tein tayekantokej satepan ke tikonijtos sejse tanemilil oso achto ke tikontamiltis motamachtilis.