Dira gore batho ba go theetše le go dula ba go theeditše. Botšiša batheetši dipotšišo tšeo di dirago gore ba naganišiše ka seo o ba rutago sona le tšeo di dirago gore ba nyake go tseba dikarabo.

Dira gore batho ba nagane ka taba yeo o ba botšago yona. Dira gore batheetši ba sepedišane le wena ka go fela o botšiša dipotšišo tšeo di tlago go ba thuša gore ba feleletše ba kwešiša seo o ba rutago sona.

Gatelela dintlha tše bohlokwa. Pele o botša batheetši ntlha e bohlokwa, thoma ka go botšiša potšišo yeo e dirago gore ba nyake go tseba karabo. Ge o fetša go ba botša ntlha e bohlokwa goba o phetha polelo, botšiša dipotšišo tšeo di tlago go nweletša ntlha yeo menaganong ya bona.