Pomožin e manušendže te mangen hem ponodri te sikljon. Puč pučiba kola ka podstakninen e manušen te odgovorinen ano peste hem te mangen te džanen pobuter.

Pomožin e manušendže te razmislinen. Prekalo nekobor pučiba, pomožin e manušendže te dikhen sose odova so pheneja tano logično, hem kokri te haljon sose tano odova adžahar.

Naglasin o važna mislija. Te šaj te mothove koja tani i važno misao, angljeder odova puč jekh zanimljivo pučibe. Palo odova so ka vačere andi odija važno misao ja ko kraj ando toklo govor koristin pučiba ponovibase.