Poti aksi di e hari sma prakseri èn di o meki taki den wani tan arki yu. Poti aksi di o meki den arkiman go denki fu a tori noso di o meki taki den wani kon sabi moro.

Taki-go-taki-kon fu wan tori. Te yu e poti aksi, dan yu e yepi trawan fu frustan fu san ede wan sani de so. Poti wan tu aksi di kan yepi sma fu frustan wan sani makriki.

Poti krakti tapu prenspari sani. Poti wan aksi te yu o taki fu wan prenspari penti. Te yu kaba taki fu wan prenspari penti noso te yu kaba hori wan takimakandra, dan poti aksi fu yepi sma fu no frigiti san den leri.