WEKELO 3
Okambelo wa la ambola
Mateo 16:13-16
LO TSHENA PE: Oka ambola w’amɛna dia memula ndo nama nsaki k’ampokami ayɛ, dia nkana la wɔ yimba ndo dia ntɔtɔmiya awui w’ohomba.
WOHO WA NSALA DUI SƆ:
-
Emula ndo lama nsaki y’ampokami. Oka ambola wahone di’ampokami nkadimola wayowakonya dia nkana yimba kana wayowatshutshuya dia mbeya ekadimwelo.
-
Kana yimba l’ampokami lo dikambo dimɔtshi. Kimanyiya ampokami ayɛ dia ndjela woho wokongɛmi lokanyi lɔmɔtshi dimɛna lo mboka ambola wayowakonya dia vɔ nshihodia dui diakɔ dimɛna l’ekomelo.
-
Tɔtɔmiya awui w’ohomba. Onyiya dimbola dia dimɛna dia mbɔtshiya kanyi y’ohomba. Kamba la ambola w’ovuswelo l’ɔkɔngɔ wa wɛ ntɛkɛta dui dimɔtshi di’ohomba kana l’ekomelo ka sawo.
