SAMBIRU 3
Mo Mungagwiriskiya Ntchitu Mafumbu
Mateyu 16:13-16
FUNDU ZAKUDUMUWA: Mufumbengi mafumbu mwazeru kuti akuvwisiya aje ndi mtima wakukhumba kuvwa vinandi, kuti muŵawovyi kuŵanaŵana kweniso kuti mulongo fundu zakukhumbika ukongwa.
MO MUNGACHITIYA:
-
Chitiskani kuti akuvwisiya aje ndi mtima wakukhumba kuvwa vinandi. Mufumbengi mafumbu ngo ngangawovya akuvwisiya kuŵanaŵaniyapu pa fundu yo mwakamba kweniso kuti aje ndi mtima wakukhumba kuvwa vinandi.
-
Wovyani akuvwisiya kuti aŵanaŵaniyengepu pa nkhani yo. Wovyani ŵanthu wo atikuvwisiyani kuti ayilondongi umampha nkhani yo mukamba. Mungachita venivi mwakufumba mafumbu ngo ngangaŵawovya kuti ayivwisi umampha fundu yo mukamba.
-
Longoni fundu zakukhumbika ukongwa. Fumbani fumbu asani mukhumba kukamba fundu yikulu. Kweniso fumbani mafumbu ngakuweriyamu asani mwamaliza kukonkhoska fundu yikulu pamwenga asani mwafika kukumaliya kwa nkhani yinu.