DYONDZO 3
Ndlela Yo Tirhisa Swivutiso
Matewu 16:13-16
HI KU KOMISA: Vutisa swivutiso hi ndlela ya vutlhari leswi nga ta koka vayingiseri va wena rinoko, swi va endla va anakanyisisa ni leswi nga ta ku pfuna u kota ku kandziyisa tinhla ta nkoka.
NDLELA LEYI U NGA SWI ENDLAKA HA YONA:
-
Endla leswaku vayingiseri va wena va rhiya ndleve. Vutisa swivutiso leswi nga laviki nhlamulo leswi nga ta endla leswaku vayingiseri va wena va anakanyisisa hi mhaka leyi u vulavulaka ha yona.
-
Va endle va anakanyisisa hi mhaka leyi u bulaka ha yona. Pfuna vayingiseri va wena va kota ku khomanisa mhaka leyi u vulavulaka ha yona hi ku va vutisa swivutiso leswi tlhontlhaka mianakanyo.
-
Kandziyisa tinhla ta nkoka. Loko u nga si boxa yinhla ya nkoka, sungula hi ku vutisa xivutiso lexi tlhontlhaka mianakanyo. Gimeta bulo ra wena hi ku vutisa swivutiso swa mpfuxeto leswi fambisanaka ni mhaka leyi a wu vulavula ha yona.
