CIGONDZO 3
Tirisa khwatsi zviwutiso
Matewu 16:13-16
LEZVI U FANELEKO KU MAHA: Wutisa zviwutiso hi ndlela yi nene kasi u koka kupima ka lava u bhulako navo ni ku va maha va simama ndzeni ka mhaka. Tirisa zviwutiso kambe kasi u tiva mawonela yabye ni ku dlunyatisa timhaka-tshinya.
U TA ZVI MAHISA KUYINI?
-
Koka kupima ka lava u bhulako navo ni ku va maha va simama ndzeni ka mhaka. Wutisa zviwutiso zvi vhululako maalakanyo ya lava u bhulako navo, kutani zvi to va maha va lava ku tiva zvotala.
-
Va vhune ku ehleketa hi mhaka leyi mu bhulako hi yona. Vhuna lava u bhulako navo a ku wona lezvi a mhaka leyo yi longolokisako zvona hi ku wutisa zviwutiso zvo landzelana zvi to va maha va chikelela magumo yo zwala ya mhaka.
-
Dlunyatisa a timhaka-tshinya. Wutisa ciwutiso ci tlhotlhako maalakanyo loku u lava ku wulawula hi mhaka-tshinya. Tirisa zviwutiso zva kuvhuxeta andzhako ka ku wulawula hi mhaka-tshinya kutani loku u mbhetisela a mabhulo ya wena.
