YOOSOMA 3
Opaka Makoho
Matheyo 16:13-16
MALAKIHERYO: Mpakeke makoho oophwanelela wira nwiirihe alipa-oowiriyana ovaha ephoole, ohimya muupuwelo aya ni wira muttittimiherye iponto suulupale.
MOOTA WOOPAKA:
-
Nwiirihe alipa-oowiriyana ovaha ephoole. Mpakeke makoho anrowa owiiriha alipa-oowiriyana wuupuwelelaka eponto eyo ni ophavela osuwela waakhuliwa waya.
-
Mutthokiheryeke mwaha onilavula anyu. Mwaakhaliherye alipa-oowiriyana ottharaka mwaha owo, mpakaka makoho aniwiiriha awo aneene ophwanya waakhuliwa waya.
-
Muttittimiheryeke iponto suulupale. Muhinatthi opacerya olavula eponto yuulupale, mpake nikoho nniiriha wuupuwela. Murumeeleke makoho oowuuluula nuumala olavula eponto yuulupale wala wanikisa wa mwaha anyu.
