Kuhaa ngan tipigi an interes. Pagbangon hin retorikal nga pakiana nga mag-aaghat ha imo mamarati nga hunahunaon an punto o magpupukaw han ira interes nga hibaroan an baton hito.

Mangatadongan ha usa nga topiko. Buligi an imo mamarati nga masundan an argumento han imo ginhihisgotan pinaagi ha pagbangon hin sunod-sunod nga pakiana nga magtutugway ngadto ha lohikal nga konklusyon.

Pabug-ati an importante nga mga punto. Pagbangon hin makapainteres nga pakiana basi ipakita an usa nga importante nga punto. Gamit hin mga pakiana sugad nga repaso katapos hisgotan an usa nga importante nga punto o ha pagtapos han imo presentasyon.