BIN 3
Ngan Fith e Deer
Matthew 16:13-16
N’EN NI NGAN RIN’: Mu fith boch e deer u murung’agen boch ban’en nib ga’ fan u wan’ e piin be motoyil, ara boch e deer nra tamilangnag fan boch ban’en u wan’rad, ara tamilangnag boch ban’en nib ga’ fan.
ROGON NI NGAN RIN’:
-
Mu ayuweg e girdi’ ni ngar adaged ni ngar ululgad i fil boch ban’en. Mu fith boch e deer nra k’aringrad ni ngar lemgad mu kur adaged ni ngar nanged boch ban’en.
-
Mu tamilangnag fan ban’en. Mu fanay boch e deer ni be tamilangnag fan e n’en ni ga be weliy ya nge yag ni mich u wan’ e piin be motoyil.
-
Mu tamilangnag e tin nib ga’ fan. U m’on ni ngam tabab i weliy ban’en, mag fith reb e deer nra pug e tafinay rok e piin be motoyil. Tomuren ni kam weliy ban’en nib ga’ fan ara u m’on ni nge mus e welthin rom, mag fith boch e deer ni ngam sul u daken e n’en ni kam weliy.
