4 УРОК
Агару Бичиктиҥ ӱлгерлерине кире сӧс
Матф. 22:41—45
АМАДУЗЫ Агару Бичиктиҥ ӱзӱгин кычырардаҥ озо, угаачыларыҥды оны алынарга белетеп сал.
МЫНЫ КАНАЙЫП ЭДЕР
-
Ӱлгерди нениҥ учун кычырарга турганыҥды кӧргӱзип бер. Кандый шӱӱлтеге ајару эдерге турганыҥ ӱлгерлердиҥ кире сӧзинеҥ јарт кӧрӱнзин.
-
Агару Бичик — тоомјылу бичик деп кӧргӱзип тур. Кудайзак улусла куучындажып тура, Агару Бичикти Кудайдыҥ Сӧзи деп адап тур. Анайып, бу бичикте Кудайдыҥ ойгоры бичилген деп, аҥылап кӧргӱзериҥ.
-
Угаачыларыҥ Агару Бичикле јилбиркей берзин. Каруузы Агару Бичикте бар сурак бер; Агару Бичик јартап турган кандый бир принципти айдып ий эмезе библиялык јӧплӧ колбулу кандый бир курч сурак кӧдӱрип ий.
