Kunatsa mä texto liytʼäta uk sum amuytʼam. Mä texto janïr liytʼkasajja, mä qhawqha arunak sañama. Ukajja kuntï yatichañ munkta uk sum amuyapjjañapatakiw istʼirinakar yanaptʼani.

Bibliampipun yaticham. Diosar creyir jaqenakamp parlkäta ukhajja, Bibliajj Diosan Arupawa sasaw sañama. Ukhamatwa kuntï yatichkta ukajj Diosat jutatap uñachtʼayäta.

Kuntï Bibliajj siski uk jukʼamp yatiñ munapjjañapatak yanaptʼam. Jisktʼasajja, Bibliampiw uka jisktʼarojj qhanañchañama. Kunjamsa Bibliajj jan walinak askichañatak yanaptʼistaspa ukwa qhanañchtʼañama, jan ukajj liytʼkäta uka texton kuna suma yatichäwis utji ukwa sarakisma.