LIKE SUANLƐ 4
Biblu’n nun ndɛ mma’m be su fitilɛ klanman
Matie 22:41-45
LIKE NG’Ɔ FATA KƐ A YO’N: Kwlaa naan w’a kanngan Biblu’n nun ndɛ mma kun nun’n, yo naan ndɛ tiefuɛ’m be ɲin tran ndɛ nga á wá kánngan nun’n i su.
WAFA NGA Á YÓ’N:
-
Bu like nga ti yɛ a klo kɛ á kánngan Biblu’n nun ndɛ mma’n nun’n i akunndan. Biblu’n nun ndɛ mma kwlaa nga á kánngan nun’n, i nun ndɛ cinnjin nga a kunndɛ kɛ ɔ ndɛ tiefuɛ’m be fa be ɲin be sie su’n, dun mmua bo su kle be.
-
Yo naan sran’m be wun i wlɛ kɛ Biblu’n nun ndɛ’n leman wunsu. Sɛ ɔ ndɛ tiefuɛ’m be lafi Ɲanmiɛn su’n, kɛ á kán Biblu’n i ndɛ’n, se kɛ “Ɲanmiɛn Ndɛ’n.” I liɛ’n bé wún kɛ Biblu’n nun yɛ ngwlɛlɛ’n i kpafuɛ’n ɔ fin-ɔn.
-
Yo maan ndɛ tiefuɛ’m be klo kpa kɛ bé tíe ndɛ nga á wá kánngan’n. Usa kosan kun mɔ Biblu’n nun ndɛ mma’n ɔ́ tɛ́ su’n. Annzɛ sa kun mɔ Biblu’n nun ndɛ mma’n kwla uka be naan b’a wun i trawlɛ’n, bo su kle be. Annzɛ kusu’n, ndɛ cinnjin kun mɔ Biblu’n nun ndɛ mma sɔ’n kwla uka be naan b’a wun i wlɛ’n, kɛn i ndɛ.
