NA’OJ 4
Ri ütz naʼij apü taq ya naskʼij jun texto bíblico
Mateo 22:41-45
RI NTEL CHË TZIJ: Yeʼatoʼ ri yekʼoxan awchë rchë nkiyaʼ kixkïn chkë ri textos ri xkeʼaskʼij apü.
RI RUBʼANIK NASMAJIJ
-
Tjeʼ pa ajolon achkë rma naskʼij ri texto. Taq ya naskʼij apü jun texto, taʼij jun o kayoxiʼ tzij rchë yeʼatoʼ ri yekʼoxan awchë, ke riʼ nqʼalajin chkiwäch achkë naʼoj nawajoʼ nayaʼ rejqalen.
-
Taq yeʼatjoj ri winäq, ronojel mul taksaj le Biblia. Taq yatzjon rkʼë jun winäq ri nunmaj chë kʼo Dios, taʼij chë le Biblia kan Ruchʼaʼäl Dios y chpan riʼ yeqïl ri nimaläj taq naʼoj.
-
Keʼatoʼ ri winäq rchë kan nkajoʼ nkikʼoxaj ri texto ri xtaskʼij apü. Tabʼanaʼ jun kʼutunïk ri nawïl ruqʼalajsaxik chpan ri texto, tatzjoj jun kʼayewal y takʼutuʼ chë ri texto riʼ nkowin nusöl o taʼij apü chë ri texto nukʼüt qa jun utziläj naʼoj chqawäch.