4 NU GÈ NÒ
Ge Tení Ló Kpá Káí Tẹlẹ ÈLa Boo Bá Ea Bọ́ló
Máátìù 22:41-45
GE KỌ́ MM̀ ŃKPULU BÁ: Kolí bùlà gbò e bà gé pãané ni tṍ nèà besĩ́ ò kálá bugi dọ̀ Kpá Káí.
BÉ EO É NÁA NAA:
-
Bugi togó boo nú ea náa vaá ò bugi dọ̀ Kpá Káíá. Tení ló buù ketõ̀ò Kpá Káí tẹlẹ èla mm̀ sĩ́deè ea é nveè bá nè gbò e bà gé pãané ni tṍ ló vaá naa kọ bàá nyimá kiẽ́e eo gbĩ́ì kọ bàá dã́tẽ́ ló ea di mm̀ dọ̀ Kpá Káí eo bugì.
-
Olòó tú Kpá Káí nvèèmà sãa kúm o bel. Tṍó eo gé ló bel nè gbò e bà ziga ló Bàrì, náa kọ bàá ẹ̀b Kpá Káí dì belí “Moǹ Bel Bàrì,” níí gé náa kọ bàá nyimá kọọ̀ Bàrì ní ea dú kpòkúm nyìmànù ẽ.
-
Naa kọọ̀ gbò e bà gé pãane tṍ á ié lèèma mm̀ Kpá Káí. Bĩiná bíb e Kpá Káí é áálá, kọ́ tã̀àgã̀ ea di kẽ e Kpá Káí é beè nvèè bá kpoogè dee ló, àbèè kọ ò kọ́ nòòkúu e Kpá Káí é nveè bá nè va kọ bàá dã́tẽ́ ló.
