დაფიქრდი, რატომ კითხულობ კონკრეტულ ბიბლიურ მუხლს. ისე წარადგინე თითოეული ბიბლიური მუხლი, რომ მსმენელმა ყურადღება იმ აზრზე გაამახვილოს, რომლის ხაზგასმაც გინდა.

მიმართე ბიბლიას, როგორც ავტორიტეტულ წყაროს. როცა მორწმუნეებს ესაუბრები, ყურადღება გაამახვილე ბიბლიაზე, როგორც „ღვთის სიტყვაზე“. ამგვარად დაანახვებ მათ, რომ ბიბლია აღმატებული სიბრძნის წყაროა.

აღძარი ინტერესი ბიბლიური მუხლის მიმართ. დასვი კითხვა, რომელზეც ბიბლიური მუხლი პასუხობს, წამოჭერი პრობლემა, რომლის გადაჭრაშიც ეს მუხლი გვეხმარება ან მოიყვანე პრინციპი, რომლის გაგებაც ამ ბიბლიური მონაკვეთის მეშვეობით არის შესაძლებელი.