Meyyez acuɣer i tebɣiḍ a d-teɣreḍ aḥric-agi. Uqbel a d-teɣreḍ aḥric seg Wedlis Iqedsen, ini-d kra n lehduṛ ara iɛiwnen wid i k-d-yeţḥessisen ad rren ddehn-nsen ɣer uxemmim yesɛan azal i tebɣiḍ a d-tbeggneḍ deg weḥric-nni.

Beggen-ed belli ayen akk i d-teqqareḍ ireṣṣa ɣef Wedlis Iqedsen. M’ara theddṛeḍ d lɛibad i geţţamnen s Ṛebbi, ţţader-ed Adlis Iqedsen s yisem “Awal n Ṛebbi.” Akka ara tɛiwneḍ wid i k-d-yeţḥessisen ad ţţarran lwelha-nsen ɣer Wedlis Iqedsen. Akka daɣen ara d-tessekneḍ belli ulac lɛinṣer n lekyasa i t-yifen.

Ɛiwen wid i k-d-yeţḥessisen ad rren ddehn-nsen ɣer wafir. Tzemreḍ a d-tefkeḍ kra n westeqsi iɣef ara d-iǧaweb wafir ara d-teɣreḍ. Tzemreḍ daɣen a d-tbedreḍ kra n temsalt i gezmer ad yefru wafir-agi, neɣ kra n umenzay swayes ara yeţwafhem akteṛ wayen ara d-teɣreḍ seg Wedlis Iqedsen.