Sũanĩa nĩkĩ ũũsoma ĩandĩko. Ũtanamba kũsoma ĩandĩko, weta ũndũ ũtonya kũtuma ethukĩĩsya masũanĩa ũndũ wa vata ũla ũkwenda kũweta ĩandĩkonĩ yĩu.

Onany’a kana ndeto syaku syumĩte Mbivilianĩ. Yĩla ũũneena na mũndũ ũmũĩkĩĩaa Ngai, onany’a kana Mbivilia nĩ Ndeto ya Ngai, nũndũ weeka ũu wĩĩthĩwa ũyonany’a kana Mbivilia nĩyo yĩthĩawa na ũĩ ũla mwingĩ.

Tetheesya ethukĩĩsya mendeew’e nĩ ĩandĩko. Kũlya ĩkũlyo yĩtonya kũsũngĩwa nĩ ĩandĩko yĩla ũũsoma, kana ũwete thĩna mũna na ũyonany’a ũndũ ĩandĩko yĩu yĩtonya kũtetheesya kũũmina. O na no ũwete mwolooto mũna ũtonya kũelew’a nĩ ĩandĩko yĩla ũkwenda kũsoma.