Kanisa samu na yinki nge zola tanga verse yango. Tekila ya kutanga konso verse, benda dikebi ya bantu yina kena kuwa nge na dikanisi ya mfunu yina nge zola bimisa na verse yango.

Monisa ti kilendo ya Biblia meluta nionso. Kana nge kena kusolola na bantu yina kendiminaka Nzambi, benda dikebi na bau na Biblia ti yakele Mpova ya Nzambi, na mutindu yina nde nge kemonisa ti yakele na nduenga yina meluta nduenga nionso.

Pesa bantu yina kena kuwa nge nsatu ya kutanga verse. Yuvusa kiuvu yina verse yango kepesila mvutu, tubila diambu mosi yina verse yango kepesila solision, to tubila nsikudukusu mosi yina disolo mosi ya Biblia kena kusadisa bau na kubakusa.