KALABO 4
Gala Goitiɛ Lɛɛ Ʋai Ga Pagɔ
Mafiyu 22:41-45
NIITIƐ MAA NƐƐ E KƐ: Ɔ vɛɛ Gala goi ta lodosu, fai ta wo ga e ɓɔ manui va e nii wɛ̃ɛ Gala goi na vaazu yɛpɛzu e vile ba.
VELEI YA NA ƔƐƐ LA:
-
Zaɓui wɛ̃ɛ e kɛɛ e wõini e Gala goi na lodo. Ɔ vɛɛ Gala goi na lodosu, ɓɔ manui va ga e ɣizɛ faa ɓigii zu Gala goi na vaazu bosu.
-
Ɓɛ numaa te kwɛ̃ɛ ga nii e dɛɛzu ga tiɛ, kulovɛ Gala Kɔlɔi zu. Ya ɣɛna yɛpɛzu nui ta wɔ dai ga Gala fai, ɓɔ ba e kwɛ̃ɛ ga Gala daa woi ɣa e Gala Kɔlɔi zu. Ani ya kɛɛna ɣana, towa ɓɔ manui va ga e laala ga tɛnɛgoitiɛ te Gala Kɔlɔi zu fize wogɛ niitiɛ va te kɔlɔ ɓalaaga zu.
-
Ɓɔ numaa va ga te wõi ga nii wo vaazu dodosu Gala kɔlɔi zu. Gaa-zaɣa-kɛɛ taniga vili ga Gala goi naa vaazu gaa wotesu. Yɛpɛ e vile faa ɓaagi taniga va ga Gala Kɔlɔi ɣa ɓɔ de va de gaa wuloba. Ɔɔ, yɛpɛ e vile fai ta va ga Gala Kɔlɔi ɣa ɓɔ numaa va ga te gaa ɣa.
