TUTO 4
Kutahisa Hande Mañolo
MWAKUEZEZA CWALO:
-
Muzibe libaka lemubalela liñolo. Nako kaufela musika bala kale liñolo, mutuse bateelezi kuziba sisupo sesituna semubata kukoñomeka mwa timana.
-
Mubonise kuli litaba zemubulela lizwelela mwa Bibele. Hamuambola ni batu babalumela kuli Mulimu uteñi, mubonise kuli Bibele ki Linzwi la Mulimu, ili kubatusa kulemuha kuli ki yona buka yelufa butali bobuzwa ku Mulimu.
-
Mutuse bateelezi kutabela zemuka bala mwa liñolo. Mubuze puzo yekaalabiwa mwa liñolo, mutaluse muinelo okona kutatululwa ki zemuka bala mwa liñolo, kamba mutaluse sikuka sesifumaneha mwa taba ya mwa Mañolo yemubata kubala.