Шоналте молан тиде библийысе почеламутым лудын пуынет. Тыгай тӱҥалтыш мутым каласе, кудо умылтара могай шонымашым тый поснак палемдынет.

Библийлан ӱшанаш лиймым пеҥгыдемде. Ӱшаныше еҥ дене мутланымет годым Библийым Юмын Мутшо ман. Тыге тый палемдет: тиде книга — Юмын уш-акылжын памашыже.

Библийым сайрак пален налаш кумылаҥде. Йодышым пу, кудыжлан Библий вашмутым пуа; але тыгай нелылык нерген каласе, кудым сеҥаш библийысе почеламут-влак полшен кертыт. Але иктаж-могай принципым шарныкте да, Библий гыч примерым налын, тиде принцип почеш ышташ сай лиеш манын, ончыкто.