Kumbukirani thangwe lomwe mun’funira kuwerenga vesi liri-lense. Pomwe mun’funa kuwerenga vesi, lewani mafala yomwe yan’thandiza abveseri wanu kuzindikira nfundo yomwe mun’funa kuibvekesa mu vesiro.

Latizani kuti bzomwe munkulewa bzinkucokera m’Bibliya. Mukambalewalewa na wanthu omwe ambakhulupira Mulungu, latizani kuti Bibliya ni ‘Fala la Mulungu,’ ndipo mukacita bzimwebzi mun’dzawonesa kuti m’Bibliya muna malango yabwino kwene-kwene.

Lewani mafala yomwe yan’citisa abveseri kufunisisa kubva bzomwe vesiro limbalewa. Citani mbvunzo omwe un’tawiridwa m’vesi lomwe muniwerengalo, lewani bvuto lomwe vesiro limbalewa kuti lin’dzamala, ayai nfundo yomwe in’bvekesedwa bwino mu nkhani ya m’Bibliya yomwe muwerengeyo.