Nyerezerani kuti thangwi yanji musafuna kuleri lemba ineyi. Mbamudzati kuleri lemba, longani mafala mangasi akuti anacitisa anthu anacedza na imwe kufuna kubvesera ntsonga inafuna imwe kugomezera.

Pinalonga imwe pisafunika kubverana na Bhibhlya. Khala muli kucedza na anthu akuti asakhulupira Mulungu, aphedzeni toera anyindire kuti Bhibhlya ndi “Mafala a Mulungu,” mungacita pyenepi munapangiza kuti Bhibhlya iri na udziwisi kakamwe.

Phedzani anthu toera akhale na cifuno. Citani mbvundzo wakuti usatawirwa na lemba, longani nyatwa zinathimbana na anthu zakuti Bhibhlya isaphedza toera kuzimalisa, peno longani pinapfundzisa Bhibhlya pyakuti pinaaphedza toera kubvesesa.