Diniho ty antony amakianao andinin-teny iny. Lafa mampilitsy andinin-teny, le anovo ze hahavy ty mpijanjy anao hieritseritsy ty hevitsy bevata teanao haboaky baka amy andinin-teny io.

Aboaho fa ze volanini-Baiboly ro ekenao. Laha mino a Ndranahary ty olo iresahanao, le ampahatiarovo fa “Safà-Ndranahary” ty Baiboly, soa ho hitany fa anatiny ao ro misy ty tena fahendrea.

Ampeo ty mpijanjy anao mba ho kinto amy andinin-teny iny. Mametraha fanontanea raiky hovalea amy andinin-teny iny ao, na miresaha raha manahira hovahani-andinin-teny iny, na miresaha torolala ho hita amy tantara resahiny ao.