Fai ke iloa ne koe te pogai e faitau ei se tusi faitau. Fakatomua a tusi fai‵tau takitasi i se auala telā e fai ei ke fia fakalogo‵logo mai a tino ki te manatu tāua telā ka sae aka i te fuaiupu tenā.

Fakavae tau mataupu ki te Tusi Tapu. Kafai e faipati koe ki tino kolā e tali‵tonu ki te Atua, fai ke ‵saga tonu latou ki te Tusi Tapu me ko te Muna a te Atua, ke fakaasi atu ei me tenei eiloa te mafuaga sili o te poto.

Fakamalosi aka te fia‵fia o tino ki te tusi faitau. Fai atu se fesili telā ka tali aka i te tusi faitau, fakasae aka se fakalavelave telā ka maua te faka‵leiga ki ei i te tusi faitau, io me fai atu se fakatakitakiga telā ka fakamatala mai i se tala i te Tusi Tapu.