Dla o he saminya. Mo bi o he ke, ‘Mɛni he je nɛ a ngma munyu nɛ ɔ?’ Ke o ngɛ o he dlae ɔ, moo kane munyungu ɔmɛ kɛ bla mohu pe nɛ o maa kane mɛ kakaaka. Koo ngɔ mo nitsɛ o munyunguhi kɛ wo mi, koo je munyungu ko he, nɛ koo ngɔ munyungu kpa ko kɛ tsake munyungu ko. Ngɔɔ ní ngmami okadi ɔmɛ kɛ tsu ní.

Mo tsɛ munyungu fɛɛ munyungu saminya. Ke o li bɔ nɛ o ma tsɛ munyungu ko ha a, moo bu ní kanemi nɛ a fia kɛ fɔ klama nɔ ɔ tue, aloo ha nɛ nɔ ko nɛ e kaneɔ ní saminya nɛ e tsɔɔ mo.

Ha nɛ o munyu ɔ mi nɛ tsɔ. Mo ná tsui kɛ tsɛ munyungu ɔmɛ, wo o yi nɔ, nɛ o bli o nya mi. Tsɛ munyu ɔmɛ nɛ a je kpo.