Siyeziyé wʋ nwʋ bʋwɔ. Dwɩnɩndwɩnɩ́ sianti mɔɔ bɛhɛlɛlɩ nkyɩkyɛmi nɩ nwʋ bʋwɔ. Áma ɛkɩnga ndwokɔ abɔkɔ nɩ nkʋ̃kʋ̃, mfomi kɩnga ma ɩdʋwadʋwa nu. Kilá bʋwɔ na wʋáfa ndwokɔ be ɛkɩnla nwʋ, ɔbɔ ɛtɛla, anzɛnyɩɩ ɛfa ebiye wula ebiye yɩ agyia nu. Fá ndɛnɩ nu mmɛla munwala di egyima.

Bɔ́ odwokɔ pɔkɔ bela bʋwɔ. Sɛ ézi kezimɔ bɔbɔ odwokɔ pɔkɔ be a, pɩbɛ yɩ wɔ odwokɔtʋhilelɛ buuku be nu, tiye mɔɔ bɛɣɩnga mɔɔ bɔbɔ betiye nɩ, anzɛnyɩɩ siã abiye mɔɔ izi kɩnga baaba ma ɩwʋwa wʋ.

Má wʋ ɛdɩndɛlɛ nu ɩla kɛnɩ. Bɔ́ odwokɔ pɔkɔ bela bʋwɔ, pigyiá wʋ ti sʋlɔ na buko wu munwa. Bɔ́ mmɔdɩnɩ kɛɛ ɔkɔwɔ odwokɔ pɔkɔ bela bʋwɔ ma numɔ ɩkɛla kɛnɩ.