Wafrur fasasos ḇepyum. Kwara rosai ḇefnai fa sfas fasfas anna. Farkor fa wawasya fasfas anna ḇesiper, mboi wawasya wos oser-oser awer. Mam pyum kaku insamaido waser wos ḇese awer, woper awer wos na, ḇaido fadwer awer wos na. Mam kapkop nakam.

Wap wos na fa nasrow. Waḇoryae fa wap wos ḇero syap na ido, mampan ro kamus, rwower fasfas se-rekam na, oroḇaido wafuken ḇe ḇewasya kir kwar sya.

Wawos snai. Wores aḇyoḇer ḇo mam ḇe ḇarpon ma bas swadon Beja fa iba koper insama wos Bena nasnaibos. Swewar fa wos Bena kam srower pyum na.