I labɛn ka ɲɛ. Tɛmɛsira sɛbɛnna kun min kama i miiri o la. I dege kalanjɛ la i kɛtɔ ka daɲɛw kalan u faralen ɲɔgɔn kan, kana u kelen kelen kalan. I jija i kana fɛn fara u kan, i kana fɛn bɔ u la walima ka daɲɛ dɔw fɔ dɔ wɛrɛw nɔ na. Tomikalanw bɛɛ labato.

Daɲɛw bɛɛ kelen kelen fɔ ka ɲɛ. Ni i tɛ daɲɛ dɔ fɔcogo dɔn, dikisiɔnɛri lajɛ, gafe kantalen lamɛn, walima a ɲini kalanjɛ kɛbaa ɲuman dɔ fɛ o ka i dɛmɛ.

Kuma ka jɛya. Daɲɛw fɔ koɲuman, i kun kɔrɔta ani ka i da waga kosɛbɛ. Cɛsiri kɛ walasa ka daɲɛw bɛɛ fɔ ka jɛya.