Dyé ti nɔ̀mɔ̀ dyíin. Poìn xwíníín kɔ̃̀ jè wa céèà wuɖu-kpàɔ̀ kɛɛ jè hwìɖìi. Nyu wuɖu kúɖúú ɓè wuɖuún-zà-zà xwai, ké ɔ mɛ ɓɔ́ wuɖu ɖò-ɖò ɓè jùɛ pu. Ma mú, ɓɛ́ mɔ̀ ní kɔ̃̀ ɖà wuɖu kɔ̃ po mɔɔ wuɖu kɔ̃in wã̀ìn mɔɔ wuɖu bɛ̃̀ìn po. Dè céè-ɖɛ̀ wuɖuún-zà-bɛ̃̀ séín ɓèɔ̀ dyéɖé gbo.

Ðá wuɖu ɖò-ɖò dyí-sɛ́ɖɛ́ìn-kà. Ɔ jù ké m̀ se wuɖu ɖò ɖá-kà dyuò ní, gmɔ̀ɔ̀ dya ɖé wuɖu-xwíníín-mú-zà-cèè-ɖɛ̀ ɖò mú, mɔɔ tò céè-ɖɛ̀ɔ̀ kpɔ̃ɔ-wùɖù ɖùù gbo, mɔɔ diè céè-ɖɛ̀ wuɖuún-zà-nyɔ̀ nɔ̀mɔ̀ dyíin ɖò dyi ɓɛ́ ɔ ké m̀ gbo kpá.

Nì wuɖu mɛ nì wáɖáá. Ðú nì dúɔ̀ dyií ɓɛ́ m̀ ké nì wɔ̃ɔ̀ kaà nɔ̀mɔ̀ dyíin, ɓɛ́ m̀ ké wuɖuɔ̀ ɖá nɔ̀mɔ̀ dyíin. Vɔ̃ ɓɛ́ m̀ ké wuɖuɔ̀ dyi-síìn-naìn ɖò-ɖò ɓèɔ̀ ɖá.