Nabte wul o mebwô. Diag nelèn ju zʼa ghù bo kide yen bag ñwaʼni là là. Ziʼde netamde ba miag ntshob nsiañe, ke nke nsiañ à ntshùʼ ntshùʼ. Bàm nà nekwiʼde, nesô, ke nebade miag ntshob lo. Zwiag dùʼ a bètte là.

Siañ mba zit lag ntshob lo mebwô. O nya ke lèn mba bo num nsiañ taʼ lag ntshob là, o lôde ntùm taʼ buʼ ñwaʼni nebagde, mba nejuʼ mat bo loʼ nsiañ ba ñwaʼni yi là, ke nebètte ywimde taʼ mènntùn a lèn nesiañ mebwô là lo.

Tshob mba bo juʼ là. Siañ à ju bo kide là, be siañe, bùʼ tu o tù, mbèn ngaʼ ntshu o mebwô. Kagtùn nesiañ mba zit bag lag ntshob lo.