Pripyaa gud. Fain owt wat da di perpos a di pasij. Praktis fi reed werdz bai groop er frayz, noh wan werd at a taim. Wach owt dat yu noh put een ekschra werdz, lef owt werdz, er chaynj wan werd fi wahn nada wan. Ahn noatis eni pongchuwayshan maak.

Prononks eech werd eena di karek way. If yu noh noa how fi prononks wahn werd, luk it op eena wahn dikshineri, lisn tu di aadyo rikaadn a di poblikayshan, er aks sombadi weh ku reed gud fi help yu.

Taak eena wahn klayr way. Seh eech werd karek, lif op yu hed an oapm yu mowt waid. Mek wahn efoat fi prononks eech silabl fahn eech werd.