Aranse humá buidu. Akutiha huméi ka lan uagu labürüdǘwa ariñahani le lunbei haliihani. Furendei humá aliiha saragu dimurei lidan aban lubaragiñe haliihan aban dimurei lárigi aban. Áfaagua humá lun machubaragun humá dimurei, míridun huguyame dimurei le úati ñein, masansirun humeime. Inebelá burí makü le arufudubalin hun anhein álügüdahani lubéi, anhein mosu lubéi hararamagun o katei líbeina lira.

Írida huméi kada dimurei buidu. Anhein ibidiñe lubéi hun ida liña lan liridún aban dimurei, aganbaha humóun agumeiraguagüdüni to haliihaboun o amuriaha humá ídemuei luma aban gürigia le galiiraditi.

Furangulá laganbún hererun. Írida huméi dimurei buidu, iñura huméi hichügü ani dará huméi hiyuma buidu. Áfaagua humá lun furangu lan laganbún le haliihabei.