Ütz ütz tatjoj awiʼ. Tanukʼuj achkë rma tzʼibʼatäl chpan le Biblia ri xtaskʼij ruwäch. Tatamaj naskʼij jojun oración y ma keʼajäch ta ri tzij. Ma tawesaj ta qa jojun tzij nixta tayaʼ kiwiʼ, chqä ma tajäl ta kibʼixik. Tayaʼ kejqalen ri coma, ri punto, ri signos de interrogación o xa bʼa achkë chik na jun signo.

Ütz kibʼixik tabʼanaʼ chkë ri tzij. We ma ataman ta achkë rubʼanik naʼij che rä jun tzij, takʼoxaj ri grabación rchë ri publicación ri najin naskʼij ruwäch o takʼutuj atoʼik che rä jun qachʼalal ri kan retaman nuskʼij ruwäch wuj.

Tatjaʼ aqʼij rchë chöj nkʼaxatäj ri naʼij. Rchë yakowin naʼän riʼ, chöj tayakaʼ ajolon y chöj tajaqaʼ achï. Tatjaʼ aqʼij rchë yekʼaxatäj jontir letras ri ye kʼo chpan jun tzij.